(( أربع خناجر ))

موضوع: (( أربع خناجر )) 04/04/08, 06:35 pm

السلام عليكم ورحمة الله وبركاته
قصيدة أربع خناجر للشاعر
حـــامد زيـــد
يقول :

مشكلة لا جات حاجتك بيدين البخيل .. مايفكك لين تدفع كثر ما يدفعه
ومشكلة لاصرت مطعون بكفوف الدخيل .. في ظهرك أربع خناجر وبالصدر أربعة
ومشكلة لا ضاق بالوقت رجال ثقيل .. يطلب أحبابة وعيا زمانه ينفعه
ليت ربي ما يحاسب خليل من خليل .. دام ما للحظ فزعة وللوجه أقنعة
ودام ما للعذل تالي وما بالحيل حيل .. الغلا سم نذوقه ومر نجرعه
نحتري فيه اللقا والحصيل اهو الحصيل .. مثل حلم تحقق وعييت أقطعه
كني اللي حط بشفاه من جمر المليل .. ما قدر يرميه للناس وأزرا يبلعه
والظروف اللي حدتني لنيران وفتيل .. عرضت دمع المحاجر لشي يجزعه
والمدامع بالغلا لا تحال ولا تحيل .. والمشاكل كل ماجات جات مجمعة
أعذلوني عن هوى النفس وعيوني تخيل .. في حبيب ما تركته ولازلت أتبعه
مغرم في حب مثله ولا أرضى له بديل .. عيني تشوفه وقلبي يجوع ويشبعه
ذاك كل مازان بالي وطالعت النخيل .. ماذكرت اللا ثباته بوقت الزعزعة
ماهو اللا قطعة من حشى قلب عليل .. وما كني اللا قطعة منه مخلوق معه
لاجميل شفت قبله ولا بعده جميل .. العذارى رهن رمشه وأنا رهن اصبعه
والله انه لو طلبني طلوع المستحيل .. لأطلعه منيه مناك يعني لأطلعه
ماعلي من الملامة وهرج الهبيل .. مشجع الرجال لا ثار غيره مشجعة
في عيون اللي عشقني ولا جاني هزيل .. الله اللي حط عشقه بقلبي وزرعه
لو سكت ينطق له الصم والدنيا تسيل .. وان حكا لو يمشي المزن يوقف يسمعه
سلسبيل من شفاته يخالط سلسبيل .. معمعة بسكات وأحلى سكات بمعمعة
ماهقيت أن أكثر الليل يمرح بالجديل .. وان شفته شوف عيني بكفه يرفعه
وان حييت وما بقا لي معه ياكود ليل .. لأسهره بأول غروبه وأموت بمطلعه
والله ان العشق جمره وطاحت بالشليل .. وان حصل وما طاعك الوقت بأحبابك طعه
منهو اللي علم أعداي نكران الجميل .. ومنهو اللي خان خلي وحاول يقنعه
كل عاذل ردني عنك يالطرف الكحيل .. ياعسى الله يقلعه يا عسى الله يقلعه
يامعرض قلب الأحباب للدرب الطويل .. السعه لا بارك الله بالضيق السعه
أشهد ان الوقت قاسي وأنا ماني ذليل .. وأشهد الرجل مرات ظنه تخدعه
وانتم تعذلون خفاق بعيون العديل .. لا رحمتم نار جرحه وحيرة مدمعه
والسوالف ليلها ليل والحايل يحيل .. والمشاكل مشكلة بمشكلة متجمعة
مشكلة لا خانك الوقت بالحمل الثقيل .. لا زرعت الزرع هوج العواصف يشلعه
ومشكله لا صار عاذلك مايبرد غليل .. لا ترده طيب كلمة ولا أحد يمنعه
ومكشلة لاصرت مطعون بكفوف الدخيل .. في ظهرك أربع خناجر وبالصدر أربعة

الرابط :

http://www.hamedzaid.com/qseed/videos.php?action=playvideo&id=6

موضوع: رد: (( أربع خناجر )) 04/04/08, 09:02 pm

مشكوره على القصيده

تقبلي مروري

((جسدبلا روح ))

موضوع: رد: (( أربع خناجر )) 05/04/08, 06:50 pm

تسللمين ع هل القصاايد

:lol!: :lol!:

موضوع: رد: (( أربع خناجر )) 07/04/08, 02:35 pm

شكرا على المرووور

موضوع: رد: (( أربع خناجر )) 08/04/08, 06:32 pm

مشكوووووووووووووووووووووووووورة

موضوع: رد: (( أربع خناجر )) 09/04/08, 07:33 pm

العفووو
وشكرا على المروووور