(( انكساري ))

السلام عليكم ورحمة الله وبركاته
قصيدة انكساري للشاعر سعد علوش


انكسرت من الفراق وشــــوف عيني
شوف عيني وأنت تـدري بـانكساري

كل ما مدّيت لوصــــالك يميـــــــنـي
رحت تتجاهل يميني .. مع يساري

حتّى صرت آشوف جرحك في يديني
في يديني لـ جور صدّاتك .. مـــواري

حس فيها .. لا.. بلاها .. حس فيني
لاتعبرها .. لكن .. رد أعتـــــبـــــــاري

وين مقفي؟ جعل منت .. بمنتـويني
بالجفا . والخوف . وأنواع العــــــــزاري

ياهلي . يانصف ربعي . ياخدينـــــي
يا مواني غربتـــي . يـــــــــاروح داري

ياشموخي . يا أنكشافي . يا دفيني
ياعلوّي . يابقائـي . يا أنحـــــــــداري

يا بداياتي . يا مائي . يا أكسجينـي
يا أندثاري . يا أعتدالي . يا أزدهـاري

يا بلادة حسّي . وقمّــــة حنينـــــــي
يا أختياري .. لا .. يا عشواء أختياري

أعشقك من عادني فأوّل سنينـــــي
لين صرت آخذ مع نفسي قـــــــراري

من عرفتك وأنت ثالث والدينـــــــــــي
واللّجوء أليك .. يعني لك فــــــــــراري

ضمّني خل الضرر بينك وبينـــــــــــي
الضرر من ضمّتك .. شـــي اضطراري

خل يدّينك من الجور تحمينــــــــــــي
من جمودي عيشني ..لين أنصهاري

كل ماضاقت بعيني .. يا معينــــــــي
أبتسمت وصار لي ليلي نهـــــــــاري

فلا سكتت .. تروح بالطيش اتحكيني
رجعي بطبعك وبأسلوبك حضـــــــاري

ماذبحنــــي فيك الاّ أنّـــك تبينــــــــي
وماسحرني؟ الاّ حكاك الاستعـــــاري

لا حكيت آحس بأشياء .. تعترينــــي
ويخشع قلبي وتطريلي طـــــــــوااري

آعشق حكيك وأحفظه يا ضنينـــــي
حفظ أبن تيميّه لـ حكي البخــــــاري

ولا سرحت آآحط يدّي في جبينـــي
وأرجي الله مايطوّل بـ أنتــــــــــظاري

أدري أنّي عندك وأسألك وينـــــــي؟
داري(ن) لاكن ماكنّي بـــــــــــــداري

لين شيطانـــــي تلفّظ كلمتينـــــــي
ورحت منّي ماتبي سمع أعتــــذاري

لا تبكّينـــــــي وتفــرح عاذلينــــــــي
لاتخسّرني بعد كبـــــر أنتصـــــــــاري

لاتخلّيني بعد فيضــــة كنينـــــــــــي
وأنت خابرني على الوصل . أنتحاري

لاتروح بروحتــــــك؟ كلّن يجيـــنـــــي
ماني مكااابر .. ولا حتّى مـــــــدااري

انكسرت من الفراق وشوف عينــــي
شوف عيني وأنت تدري ..بانكساري

لسماع القصيدة بصوت الشاعر:

http://www.dwaihi.com/poem/13alosh13.ram

مشكوووورة


تقبلي مروري

مشكوووووووووووورة

شكرااا