(( الطيف ))

السلام عليكم ورحمة الله وبركاته
قصيدة الطيف للشاعر سالم سيار
يقووول :

تجيني طيف يا عمري على جنحان شوقي لك
أخاف أرمش من عيوني وأبعثر جية وصالك
حبيبي لا تجيني قول وين انت وانا أجي لك
أبيك تقول وين انت وعلى عيوني أنا اسعى لك
وربي فوق روس الشوك لا اخلي القلب يمشي لك
وأخلي ظلالي يسبقني قبل يحضنني منزالك
ثواني بس .. أبـ اتهندم من عيونك وابـ اهدي لك
في عينك ضحكةٍ حتى تكحل عين عذالك
يقولوا الناس في غيابي تشب القلب ويضوي لك
حنيني ومن وهج شوقه يميل القلب لا مالك
قضى دمعي من عيوني .. أبي من عينك أبكي لك
أبـ انثر من ورا عيوني دموع عيون ترحالك
تعبت أهرب من الأشيا البسيطة من تفاصيلك
تعبت اسأل زوايا البيت عن أول وآخر أحوالك
وحتى الشوق من صبح الدرايش قام يهدي لك
عصافير الربى ترفرف على بيبان مدخالك
هنا ترمي صباح الخير قبل لا تروح وأدعي لك
وهنا تضوي مساء الخير في عيني من هلالك
أنا من الليل يقطفني شعوري لك وأغني لك
أنا من الصبح يليلني الحزن من لون موالك
حرام الليل ماهو ليل إذا ما كنت في ليلك
وحرام الصبح ما هو صبح إذا ما كنت بـ ظلالك
تروح وقلت أحط روحي على كفي وأنادي لك
نزعت العمر من شفت الغلا بالروح نادى لك
بربك قول وش سوا الفراق بوجه منديلك
تسيل ألوان طيفي فيه الى من البكا سالك
حبيبي لا يبكيك الفراق ولا يهد حيلك
أخاف الدمع من عينك يجفف صورتي فـ بالك
تعال أحتاج أسولف لك عن الأيام واشكي لك
وأفض غيم الحزن وانثر حنين الشوق بقبالك
تعال وحط في قلبي هموم الفرقا واشيلك
لأن القلب ماهو قلب اذا في نبضه ما شالك
وقف دمعي من عيوني أبي من عينك أبكي لك
أخاف أبكي من عيوني وأبعثر جية وصالك

لسماع القصيدة بصوت الشاعر :
http://www.dwaihi.com/poem/22syar12.ram

مشكوووورة


تسلم ايدش ويسلم ذاك الساعد

تحياتي

مشكوووووووووووورة