.. ميلاد القمر ..

قصيدة ميلاد القمر
للشاعر طارق المحياس



كل سنة و انته بخير و عيد ميلادك سعيد
كل سنة و انته يغالي اجمل ايام العمر
كل سنة و حبك بقلبي يا بعد عمري يزيد
كل سنة و انته رفيقي و صاحبي و اغلى البشر
ليش تسألني و تدري ان الجواب عندي اكيد
يعني معقولة انا انسى يوم " ميلاد القمر "
حافظ التاريخ والله مهما كنت عنك بعيد
مستحيل انساه لو ينسى النحل ريح الزهر
ايش اقدملك هدية ما يوفيك القصيد
انته اغلى من هدايا الكون يا احلى قدر
ودي لو اهديلك روحي ولا قلبي و الوريد
كل ما تطلب حلالك لو طلبت حتى النظر
الهدية ماهي الا رمز و الرمز ما يفيد
لا تظن اني بوافق اشتري غرشة عطر
يا عطر عمري و حياتي يا قديمي و الجديد
هاك خذ عمري هدية والله يفداك العمر
المهم تكون راضي و غير هذا ما اريد
ما اريد الا اشوفك نجمة في عز الظهر
و ما ابي غيري يشوفك خلني في قلبك وحيد
لا تظن في حد غيري يحبك انته هالكثر
بحتفل فيك و بغني و بكتب اشعار و قصيد
الله يالايام تمشي جنها في لحظة تمر
انطفت .....شمعة يالله عقبال المزيد
ما اصدق هذا انته طفل بسرعة كبر !!؟
الله يخليك لا اهلك يا عسى عمرك مديد
و تبقى لي يا رب ..يارب قدوة و اعجاب و ذخر
و احيا بقربك طول عمري و ابقى في ظلك سعيد
و تبقى انته في حياتي اجمل ايام العمر
كل سنة و انته بخير و عيد ميلادك سعيد
كل سنة و انته رفيقي و صاحبي و اغلى البشر


و مكان النقط .. تقدرون تحطون العمر

مشكووورة على القصيدة

شكلش من محبي طارق المحيااس ..

تحياتي