تكمله مالت البارت
_______نرجع لبريطانيا__________
نواف: قول شقريت ولا إنجلع
فيصل : أوكي إسمع
نواف: إخلص علينا
فيصل: إحم إحم **رحلت ولا بقى باقي وذاك اللي يسمونه وداع ٍ حطم أعماقي ..... هالجمله لك يالمزون ابيك تعرفين قيمتك عندي ااااه يالمزون محد أجبرني
قاطعه نواف: فصوووووووووول وحذف عليه المخده
فيصل قط الورقه وفتح الباب وطلع وهو ميت ضحك عليه وعلى شكله
نواف:الله يلعن بليسك يافصول وي *ماكمل الكلمه لان عينه ع الورقه يرفعها ويقرا ويتذكر ايام المزون ولا يخليها مكانها* راح لها من دون شعور رفعها وكمل لمكان ما وصل فيصل
ااااه يالمزون محد أجبرني على غربتي غيرك ليه كل اللي صار حبيتي لك ثاني شمتي عذالي ما كنت أظن بيوم هالشي ذا يرضيك صغرتي بعيني كثير قلتيلي أحبك ولين ما علقتيني فيك قلتيلي بس كنت ابي أسلي عمري معك وإنت ما تناسبني ليه ليه كلمتيني عن بدر وعن حبه ..أناما سامحت عمري يوم بكيتك وقلتلك وانا اودعكم لسفري
مكتفي بمر الحقيقه بعد مايفوت الأوان قلتلك لاتندفع له قلت حبي صاينه وينه اللي صان حبك ماأشوفه يوم بان قلبك اللي هو قلبك لاتحسب إنك ظامنه
لاتعذر بحتياجك كلنا ناقص حنان كلنا طفل يتمنى أي شخص يحضنه نبني الدنيا وحنا نوقف بنفس المكان للأسف ينقص وفانا مع مرور الأزمنه
اااه يالمزون بكيتك بس إنت قتلتيني ومع هذا اتمنى تكونين من نصيبي......أحبك
ضم الورقه لصدره وغمض عيونه يعيش بذاك الإحساس وهو يغني
**يا دهري لا تحملني البلاوي أنا المجروح مالاقي المداوي تراني ع السفر ما كنت ناوي حكم حكم القدر غصبا عليا قبل ما أعوفكم ياأهلي كأني اشوف بغربتي حزني وأني إذا إنتو صفيتو بعيد عني أموت أحسن ولا هذي الأذيه**
______بالسعوديه____
البندري وهي تكتب بدفترها الصغير دفتر حزنها وألمها
ابكتب من بيوت الشعـر حـزن(ن) يشتهـي حرفـي أبرسـم داخـل أحلامـي صـور تحكـي معاناتـي
أبصـرخ داخـل الوجـدان أبنـدب حظـيَ التّرفـي بقطَع حفنـةَ أوراق(ن) تضـم احسـاس مـن ذاتـي
تعبت أشكي الم حزني تعبـتَ أغـضّ مـن طرفـي عرفـت انـي إذا سامحـت تجـدد كـل مأسـاتـي
كرهت الحب والاحساس وصار الكـره مـن عرفـي أبرفـع للحـزن والـخـوف والآهــات رايـاتـي
ولكني رفيعـة راس أمـوت ومـا خضـع طرفـي عزيزة نفـس مـن يجهـل صفاتـي ينظـر الآتـي
قويـة بـاس ماعمـري وطيـت بـدرب منحرفـي وانا اللي لانظـرت الكـون تهـز الكـون نظراتـي
أبوي اللي من الطيبة غرف مـن حوضهـا غرفـي وأخويـة لانطـق باسمـي تهـز الأرض هـزاتـي
ولكنـي برغـم ذلـك أسيـر بــدرب منعـرفـي مثل كل البشـر أخطـي ...كثيـرة حيـل غلطاتـي
*تجمعت دموعها* بدت تقول بنفسها لا يا بنوو لا يالبندري لا اللي راح راح هو ما يبيني حتى أنا ما أبيه بس انا أحبه بدت تتذكر أيامهم ولحظاتهم سوا تذكرت كيف بدت قصتهم
((جود إخت مشعل عزمت البندري يوم الخميس ع الغدا والعشاء لا وبعد والسهره والنوم طبعا بعد ما إستأذنت من خالتها أم عبدالله وطبعا وافقت والبندري كانت ميته وناسه وأخيرا رح تشوف مشعل كيف ياكل كيف يتصرف كيف يتكلم يوم كامل هي بس كانت تراقبه بقعداتهم العائليه
البندري:الوو جودووو إسمعي ربع ساعه وبجي
الجود:ربع ساعه بعينك يالخايسه كذا تعتذرين عن الغدا ماإتفقنا كذا
البندري : طيب قلتلك بدخل بيتكم الساعه 4 وجيت بالضبط لا وأبشرك باقي ربع ساعه على موعد الإتفاق
الجود:أظن تعرفين غرفتي ماني بنازله
البندري: يوووو إذا كذا ضيافتك إنجلعي برجع بيتنا بس بيني وبينك فكره حلوه
إدخلت البندري البيت وطبعا إفتحت البوابه الرئيسيه للبيت مشت و وصلت لنص الصاله تبي تطلع للدرج إسمعت صوت جوال يرن وكانت نغمة *الأماكن* توها بتطلع الدرجه الثالثه سمعت صوت حبيبها صوت اول حب بحياتها صوت غرامها مشعل نزلت وبخطوات خفيفه قربت للصوت كان واقف عند مرايات المغاسل الفخمه يسكر أزراره ويعدل نفسه ويضحك ويسولف مع المتصل بس اللي جمدها بمكانها الكلام اللي قاله إسمعت اللي إنقال وهي تقول لاياربي لا مو مشعل يارب يطلع سلطان بس مشعل لا
إسمعت أخر جمله منه وهو يقول
إسمع حمووودوو طالعلك ألحين إستناني شوي
سحبت رجلينها سحب وبدت تطلع على الدرج وكل درجه تحس بالموت فيها ليه حبته ليه عشقته ليه قدمته على كل واحد حبها ليه ... وليه... وليه وصلت لغرفة جود إفتحت الباب وقامت جود ركض
جوود:هلا والله تو ما نورت غرفتي ولا اقولك إطلعي صارت 4 و دقيقه هههه
البندري:........
شهقت جود:البندري حياتي شصار
البندري:,,,,,,,,,,,,,
جود :البندري الله يخليك قوليلي
البندري:جوود أبي ريان الحين *وبدت تبكي* جود وربي أحبه ,جود أنا ما أعشق غيره جووود قلبي بيده أه يا جود
ضمتها جود وخذتها تقعدها: البندري قولي إيش صار لاتقولين فارس أحلامك مات البندري لك سنه وإنت توعديني إنك بيوم بتقولين من تحبين ليه ماتبين تقولين لي أنا ماني بثقه؟ أسراري كلها عندك فضفضيلي يالغلا قولي
البندري: جود أحبك بس اللي ذبح هذا *تأشر على قلبها* مشعل أأأأأأأأأأأأأه من مشعل أحبه أعشق أخوك يالجود وأموت بثرى أقدامه *وبدت تبكي*
الجود مصدومه: مشعل؟أخوي أنا؟
البندري:إي مايحبني يالجود مايحبني
جود:هو قالك ؟والله هو ديم يقول سلمي على بنات خالتي وسلمي على خالتي والبندري ليه يخصك بالسلام
البندري : *بضحكة إستهزاء* لاني اضحك واسولف معاه وأضحكه وأسليه أعشقه وربي أعشقه *رجعت تصيح*
الجود:مين قالك مايحبك؟البندري إنت دايم قويه ليه الحين لا؟
البندري قالتلها السالفه بس ماقالت الكلام اللي هزها قالت وقال مايحبني وطلع لمحمد
الجود:إيش قاله قاله أنا ماأحب البندري بنت خالتي؟
البندري:لا كان يكلم محمد ولد عمي أول شي قاله موعد الإختبار حقهم وبما إنهم هندسه لازم يشدون حيلهم بس ما أدري شقاله محمد قام قاله مشعل حموود وربي وحشتني
محمد:؟؟؟؟
مشعل:إيه إيه أحبها عندك مانع من هي صغيره وأنا ألعبها وأدافع عنها أموت فيها
محمد:؟؟؟؟؟؟
مشعل:وربي مالك دخل إي هي عيوني وقلبي و 4 سنين إنتطالع بالعيون هههه
محمد:؟؟؟؟؟؟؟؟؟؟؟
مشعل:صاحي إنت اقولها هي ردت كثير ومستحيل ترضى فيني
محمد:؟؟؟؟؟؟؟؟؟؟؟
مشعل : صح والله فكرتك روعه تخيل بطاقه زواجي مشعل & مشاعل
محمد:؟؟؟؟؟؟؟؟؟
مشعل: أقول لا يكثر وبطلعلك الحين
محمد:؟؟؟؟؟؟؟؟؟؟؟؟
مشعل وهو معصب: لا إنت أحق فيها ولاشي أقسم برب البيت لو تقرب جنب هوى حبي لأذبحك والله شفت رشاشي اللي ارقص فيه بفضيه براسك
محمد:؟؟؟؟؟؟؟؟
مشعل:إسمع حمووودوو طالعلك ألحين إستناني شوي
الجود مصدومه والبندري *رجعت تبكي* لااااااااا يالجود بموووت حبيبي يحب إختي اللي أموت فيها مشعل اللي حلمت فيه يبي إختي مشاعل أأأأأأأه يالجود -دنيا رديه مابقى حد ما خان ... حتى مشعل اللي عشقته ذبحني- جوود أحبه
وقعدو على هالحال لين المغرب هدت شوي البندري وراحو يطالعون فلم (عمر&سلمى) ساعتين مرت على جود كأي ساعتين بس البندري كانت تموت فيهم خلص الفلم وجات خالة البندري وهي تحب البندري بجنون وصارت تسولف معها والبندري تحاول تتناسى الموضوع خلاص حبيبها من اليوم لأختها باي لحضه ممكن يتقدم لإختها وهي مستحيل تقول لإختها شي بس ضحكت بينها وبين نفسها وهي تقول ااه يابنووو قلتي للكل (فارس أحلامي ما بقول إسمه وانا أبيه هو يخطي الخطوى الأولى وبذيك اللحظه بوقف قدام الكل وبقول هذا حبيبي ) إمسحت دمعه إخذلت عينها ونزلت وقالت خلاص يابنوو يبي إختك إنسيه أه ياريان تعالي شوفي شصار فيني *طبعا ريان الوحيده اللي تدري عن حب البندري لمشعل*
إقعدو ع النت و سولفو وإستهبلو وكل هذا والبندري بس تساير جود وجود حاسه بس تبي تفرحها مسكينه
نزلوو الساعه 12 لصاله الصغيره و هم مقررين يرقصون عشان كل وحده تنسى همها
حطوو ال ستيريو وبدو يستهبلون
وقفت البندري جنب الشباك الكبير اللي يكشف البركه الكبيره تشوف كيف الماي صافي وينعش القلب وهي كذا كان قلبها صافي مافيه أحد إلا يوم دخله مشعل غير كل حياتها صار الماي الصافي الراكد كله مد وجزر وأمواج , سندت البندري راسها على الشباك وعيونها على الماي ودموعها تنزل
وطت صوت الأغاني الجود وقالت أنا بروح أجيب حركات الليل ((يعني الببسي والبطاطس والشوكلت..)) وطلعت
**في هالأثناء دخل مشعل وطبعا جود على طول راحت المطبخ إتطلع الأغراض ف هو إستغرب من صوت الميوزك والإضائه الصفرا الهاديه واللي خلاه يروح إن الجود ماتحب تقعد لحالها بذي الصاله بالتحديد لانها تخاف منها فكر إن أمه معها وهو رايح شاف ريموت الكنترول للستريو على الطاوله أخذه ودخل ما طالع كل الغرفه بس اللي همه الكنبه شافها فاضيه طفى الستيريو وسمع أعذب صوت بحياته كانت معطته ظهرها وهو منصدم وتغني ((عدت على خير ياقلبي ونسيناهم ومافي داعي ياقلبي تعيد ذكراهم اللي نسو عشرة أيامك وخانوها ننساهم أحنا مدام أحنا عرفناهم..ياقلبي لو مر بك ذكرى محبتهم فضل جمر بعدهم عن ورد جنتهم واللي رخصو عزتك إرخص معزتهم يتحملون اللي خانونا خطاياهم))......إسكتت شوي ...ورجعت تبكي... أااه يالجود لا لاتقولين لي إنسيه جوود أنا أحبه وربي أعشقه إذا هو بايعني بكيفه بس انا امووت فيه جوووود وربي أعشقه والله أعشقه ورجعت تصيح
مشعل جمد كل عرق فيه تحبه..تعشقه ...من يكون؟...أكيد جود إتعرفه...وشد على قبضة يده وصار يقرب منها ما بقى بينه وبينها إلا 4 خطوات
دخلت جوود وشهقت :هئئئئئئئئئ مشعل شتسوي هنا وراحت جنبه
البندري على طول لفت إتطالع ..مشعل ! وهنا؟ ياترى سمع ولا لا؟
مشعل بعصبيه: البندري مين حبيبك؟
جود والبندري جمدووو ... البندري كانت بحاله يورثى لها
موضوع: هوى قلبي ..روايه رومنسيه جريئه 
30/04/08, 09:55 pm
