,, دعوة الغفران ,,

موضوع: ,, دعوة الغفران ,, 24/04/08, 06:29 pm

قصيدة دعوة الغران للشاعر
،، ســـــالم سيـــــــــــار ،،

مو معقوله تجي منك وترميني لاي انسان ..يلملمني ولا يلقى بعيوني غير دمعاتي
انا ماصدق انك انت تنهيني من الوجدان .. وترميني وانا اشوف القبر نادى مسافاتي
وكسرني الشتا ياوليد وانت بداخلي دفيان .. تحملت الاسى والظيم عشانك يابعد ذاتي
وصحى بي البرد واللاهوب وانت بداخلي غفيان .. تحملت السنين وقلت على الله تلملم شتاتي
انا امك ياهيــــه امك حملتك والعذاب الوان ..ولدتك والالم سكين يركز داخل لهاتي
وانا اثناء الولادة من بكى صوتك طعنت احزان ..لاني شفتك بصوتك تنادي كل طموحاتي
ومهدتك فعين وعين يشرب حزنها القرآن .. وهزيتك وكان النور يتهزهز من دعاتي
اضمك في يديني لاتجي وتقول انا بردان .. تركت البرد لضلوعي رح انشد رعشة شفاتي
وزولك من ركض فيني لمست بداخلي اوطان .. وتركتك تبني بمجدك على كتف انكساراتي
وتذكر يوم مدرستك صدى وكفوفنا الحرمان .. وكانت رنته من فلس خنقته لك بشيلاتي
كبرت وصرت بعيوني شجاع واشهم الفرسان .. وحلفت اني على عرسك لارقص كل شيباتي
اسولف للبشر عنك اقول ولا به اي نقصان ..رضع عز الشهامة شب طموحه في معاناتي
وله شان الصقر لا لا اخذ منه الصقر له شان .. يجي مثل الوضوء لاطب حنينه فوق راحاتي
يقولون الولد هو خان اقول وليدي لا ماخان .. وهم يدرون ماغطى منامي غير وناتي
افــا وشلون تتركني يكحلني عمى النسيان .. وانت ادرى فيوم الحشر جنه تحت خطواتي
لك الله مانطق صوتي لك اللا بدعوة الغفران .. ولكن خوفي من حزني ومن دعوات عبراتي
تدين اليوم ياوليدي وباكر للاسف تندان .. ويرمونك مثل امك وتذكر حلم شيباتي

موضوع: رد: ,, دعوة الغفران ,, 24/04/08, 07:44 pm

مشكووووووووووووووووووووووووورة ..

موضوع: رد: ,, دعوة الغفران ,, 26/04/08, 02:48 pm

العفووو

مشكورة على المرووور

موضوع: رد: ,, دعوة الغفران ,, 30/04/08, 12:29 pm

شكرااا

موضوع: رد: ,, دعوة الغفران ,, 30/04/08, 06:33 pm

العفو

شكرا على المروور